“Əmlak Bazarı İştirakçıları” İctimai Birliyi (“ƏBİ” İB) 2003-cü ilin iyul ayında təsis olunmuş və dekabr ayında Ədliyyə Nazirliyində qeydiyyatdan keçmişdir. İctimai Birlik Azərbaycanda daşınmaz əmlak sahəsində əhatəli və professional fəaliyyət göstərən yeganə qeyri-hökumət təşkilatıdır.

“Əmlak Bazarı İştirakçıları” İctımai Birliyinin fəaliyyət istiqamətlərinə aşağıdakı sahələr daxildir:

Birliyin əsas məqsədi ölkə iqtisadiyyatının bütün sahələri üzrə, o cümlədən daşınan və daşınmaz əmlak bazarı sahəsində həyata keçirilən islahatları, tətbiq edilən texnologiyaları öyrənmək və onların yayılmasına nail olmaqdır. Həmçinin:

Bundan başqa təşkilatın gördüyü işlərin sırası da çox genişdir. Qurum mütəmadi olaraq mühüm dövlət strukturları, əmlak bazarı və iqtisadiyyatla bağlı olan özəl şirkətlərlə, beynəlxalq təşkilatlarla əməkdaşlıq edir, daşınmaz əmlak bazarı ilə bağlı böyük layihələrin icrasını həyata keçirir. Təşkilatın fəaliyyəti barədə danışarkən aşağıdakıları qeyd etmək lazımdır.

Qiymət indeksinin hesablanması

“ƏBİ” İB “Azeri REİ” qiymət indeksinin hesablanmasını, ictimaiyyətə təqdim olunmasını və daim inkişaf etdirilməsini həyata keçirir. Daşınmaz əmlak bazarında “Azeri REİ” qiymət indeksi daşınmaz əmlak bazarının bütün seqmentləri üzrə hər ay üçün hesablanır.

Kitablar

Təşkilatın daşınmaz əmlak bazarı ilə bağlı bu günə kimi hazırladığı 20 yaxın kitabdan 4 ədədini çapdan çıxarıb oxuculara təqdim edib. Həmin kitablarda Bakı şəhərinin və ümumilikdə Azərbaycanın daşınmaz əmlak bazarı ilə bağlı geniş və əhatəli məlumatlar ictimaiyyətə çatdırılıb. Bu kitablar aşağıdakılardır.

“Əmlak Bazarı Terminləri” lüğəti – 2005

“Daşınmaz Əmlak Bazarı və Rieltor” – 2005

“Azərbaycanın daşınmaz əmlak bazarı: faktlar, təhlillər” - 2006

“Regionların İnkişafı, şimal bölgəsi” – 2007

“Əmlak Bazarı” Jurnalı

Təşkilatın 3 ildir ki, fasiləsiz olaraq yüksək tirajla aylıq mətbu orqanı olan – “Əmlak Bazarı” jurnalı çap olunur. Jurnalda yerli və xarici ölkələrin daşınmaz əmlak bazarı, eyni zamanda ölkə iqtisadiyyatının müxtəlif sahələri ilə baglı məlumatlar, müsahibələr, təhlil və şərhlər dərc olunur. Hər ay daşınmaz əmlak bazarının iştirakçıları olan banklar, sığorta təşkılatları, tikinti şirkətləri, rieltor xidmətləri, qiymətləndərmə təşkilatları və bu istiqamətdə çalışan dövlət təşkilatları aktual mövzularla jurnalda çıxışlar edirlər.

Bülletenlər

Aylıq bülletenlər, rüblük, yarımillik və illik məcmuələri də təşkəlatın nəşrləri sırasında saymaq olar. Bu bülleten və məcmuələrdə daşınmaz əmlak bazarının bütün seqmentləri üzrə bazarın ümumi tendensiyası və dinamikası araşdırılır və əks olunur. Bundan başqa təşkəlatın hər ay 100-lərlə buklet və broşurları çap olunur və paylanılır.

KİV-lərdə çıxışlar

Qurumun ekspertləri mütəmadi olaraq daşınmaz əmlak bazarındakı mövcud vəziyyətlə bağlı KİV - lər vasitəsilə ictimaiyyəti məlumatlandırırlar. KİV - də aparılan monitorinqlər də göstərir ki, hazırda ölkədə daşınmaz əmlak bazarı ilə bağlı KİV - in ən çox müraciət etdiyi təşkilat “ƏBİ”-dir.

Yerli və Beynəlxalq tədbirlər

“ƏBİ” İB yerli tədbirlərlə yanaşı beynəlxalq konfranslar da təşkil edir və həmçinin beynəlxalq konfranslarda iştirak edir. 2008-ci ilin mart ayında “ƏBİ” - nin təşkilatçılığı ilə “Ambassador” otelində bazar iştirakçıları üçün təşkil olunmuş 3 günlük seminarda ABŞ-ın Beynəlxalq Mülkiyyət Fondunun əlaqələndiricisi xanım PeggyAnn McConnochie ABŞ-ın daşınmaz əmlak bazarı, Akyaska təcrübəsi barədə tədbir içtirakçılarına mühazirələr oxuyub, məlumatlar verib. 3 gün davam edən seminarda ölkəmizdə fəaliyyət göstərən Rieltor təşkilatlarının, tikinti şirkətlərinin, bir sıra ictimai təşkilatların nümayəndələri ilə yanaşı, Azərbaycan Dövlət İqtisad Universitetinin müəllimləri, KİV nümayəndələri və digər qonaqlar iştirak ediblər.

Bundan başqa təşkilatın 2007-ci ilin yekunlarına dair tikinti şirkətləri arasında keçirdiyi müsabiqə respublikada bu zamana qədər sırf tikinti şirkətləri arasında təşkil olunmuş ilk müsabiqə kimi daşınmaz əmlak bazarında çox uğurla qarşılanıb. Tədbirin yekunlarına dair təqdimat mərasimi Park-İnn otelində təşkil olunub və mərasim 5 televiziya daxil olmaqla 30-a yaxın KİV - də ictimaiyyətə təqdim olunub.

Layihələr

Bu günə kimi bir sıra uğurlu layihələrin icrasında iştirak edən “ƏBİ” İB daşınmaz əmlak bazarı ilə bağlı olan bütün layihələrin icrasına hazırdır və təşkilatın kadr potensialı, bu istiqamətdəki təcrübəsi ən mürəkkəb layihələrdə belə “ƏBİ” İB-ə uğur qazanmağa imkan verir. Qeyd edək ki, artıq ardıcıl olaraq 3 ildir ki, “ƏBİ” İB İqtisadi İnkişaf Nazirliyinin hər biri 7-10 aylıq bir dövrü əhatə edən 3 böyük layihəsini icra edib. Qeyd edim ki, layihələrin ikisi “Regionların sosial-iqtisadi inkişafı (2004-2008-ci illər) Dövlət Proqramı” çərçivəsində həyata keçirilməsi nəzərdə tutulan layihələrdir.

“ƏBİ” İB-nin ilk layihəsi - “Azərbaycan Respublikasında daşınmaz əmlak bazarı, yaranmış imkanlar və perspektivlərin öyrənilməsi” layihəsi çox geniş bir layihə olmuş və 10 aylıq bir dövrü əhatə etmişdir.

İkinci layihəsi – Regionların İnkişafı proqramı çərçivəsində Şimal bölgəsi layihəsi 2007-ci ilin sonunda başa çatmışdır.

Üçüncü layihədi isə – “Regionlarda tikinti materiallarının istehsal potensialı və qiymət meyllərinin öyrənilməsi” layihəsinə isə iyun ayının 1-dən start verilib, layihə ugurla davam etdirilir və 2008-ci ilin sonunda başa çatacaq.

Bundan başqa təşkilat Bakı Banklararası Valyuta Birjası ilə birgə Daşınmaz Əmlak Bazarının araşdırılması layihəsini də 3 ildən artıqdir ki, icra edir. Eyni zamanda qurum 10-dan artıq dıgər layihələrin icrasında iştirak edib və bütün layihələr donor təşkilatlar tərəfindən müsbət qəbul olunub.

O cümlədən, “ƏBİ” İB daşınmaz əmlakla bilavasitə bağlı olan müxtəlif dövlət qurumları ilə ən müxtəlif zamanlarda əməkdaşlıq edib və bu münasibətlər bu gün də davam etməkdədir.

İki ilə yaxındır ki, “ƏBİ” İB-lə Daşınmaz Əmlakın Dövlət Reyestri Xidməti (DƏDRX) arasında qarşılıqlı əməkdaşlıq münasibətləri yüksək formada davam edir və bu münasibətlər getdikcə dərinləşməkdədir. Birliyin mətbu orqanı olan “Əmlak Bazarı” jurnalının əmakdaşları ardıcıl olaraq hər ay xidmətin Ərazi İdarələrindən birində ezamiyyətdə olur, vətəndaşlara göstərilən xidmətin səviyyəsi, Ərazi İdarələrində aparılan qeydiyyatlar, əmlakın dövlət qeydiyyatına alınmasının müsbət tərəfləri və s. barədə məlumatları jurnal vasitəsilə ictimaiyyətə çatdırırlar. Aparılan araşdırmalar göstərir ki, “Əmlak Bazarı” jurnalının bu fəaliyyəti bütövlükdə İctimaiyyəti Məlumatlandırma Kompaniyasının tərkib hissəsidir. Biz “ƏBİ” İB olaraq bu fəaliyyət istiqamətlərinin regionlarda treninqlərin, dəyirmi masaların, konfransların, əmlak sahibləri ilə qrup və fərdi müzakirələrin təşkil olunmasına qədər maraqlıyıq. Birliyin ekspertləri mütəmadi olaraq televiziya və mətbuatda daşınmaz əmlak bazarında baş verən prosesləri analiz edir, bu mövzuya dair müxtəlif çıxışlar edirlər. Eyni zamanda bazarın bütün seqmentləri üzrə birliyin monitorinq qrupu tərəfindən aparılan araşdırmalar üzrə aylıq hesabatlar, rüblük, yarımillik və illik məcmuələr KİV vasitəsilə ictimaiyyətə çatdırılır.

Bütün bunları nəzərə alaraq “ƏBİ” İB İctimaiyyəti Məlumatlandırma Kompaniyasında öz imkanlarını və maraqlarını ifadə etmək üçün xidmətlərini təklif edir. Təşkilat özünü bu layihədə iştiraka tam hazır sayır və layihə çərçivəsində həyata keçirilməsi nəzərdə tutulan işlərin icrasına tam hazırdır.