Azərbaycan öz dövlət müstəqilliyini bərpa etdikdən sonra ölkə iqtisadiyatında iri miqyaslı və mühüm əhəmiyyət daşıyan islahatlar keçirilməyə başlandı.Sovet iqtisadiyyat sisteminin Qərb iqtisadiyyatı ilə rəqabətdə tab gətirməməsi və iflasa uğraması ölkəmizdə həyata keçirilən bu islahatların ümumi konturlarını əvvəlcədən müəyyənləşdirmişdir. Belə ki, Azərbaycanda da azad bazar iqtisadiyyat prinsiplərinin bərqərar olması və qərbə doğru inteqrasiyası strateji əhəmiyyət daşıyan məsələ çevrilmişdir. Ümumilli liderimiz H. Əliyev ölkə rəhbərliyinə qayıtdıqdan sonra bu sahədəki addımlarımız daha ardıcıl və məqsədyönlü xarakter daşımağa başlamışdır. Respublikamızda dövlət mülkiyyətinin özəlləşdirilməsi, özəlləşdirmə paylarının (çeklərinin) dövriyyəyə buraxılması, vergi və digər sahələrdə qəbul olunmuş qanunlar sahibkarlıq üçün münbit zəmin yaratmış və ölkəmizin iqtisadi inkişafının əsasını qoymuşdur. Bu gün artıq biz həyata keçirilən islahatların nəticəsini görməkdəyik. Təsadüfi deyil ki, Azərbaycan illik iqtisadi artıma, ÜDM - nin həcminə, investisiyaların miqyasına, geniş vüsət almış tikinti işlərinə görə MDB məkanında liderlər mövqeyinə çıxmışdır. Ölkəmizdə həm də böyük bir əmlak bazarı formalaşmağa başlamışdır. Burada xatırlatmaq yerinə düşər ki, əmlak dedikdə yalnız bina, mənzil və torpaq sahələri nəzərdə tutulmur. Bu məfhum eyni zamanda fabrik, zavod, səhmdar cəmiyyətlər, nəqliyyat vasitələri kimi digər anlayışları da ehtiva edi. Aydın məsələdir ki, respublikamızın hər bir vətəndaşı istər - istəməz gündəlik bu bazarın iştirakçısına çevrili. Lakin əmlak bazarının aktiv iştirakçıları öz fəaliyyətlərinin daha səmərəli təşkili, onun bütün imkanlarından mənfəət əldə olunması, bu bazara daxil olmaq və işləmək istəyənlər əmlak bazarı mexanizmləri və bu mexanizmlərlə aparılan əməliyyatlar barədə ətraflı məlumata malik olmalıdırlar.

«Əmlak Bazarı İştirakçıları» İctimai Birliyi yuxarıda qeyd olunan məsələrin aktuallığını nəzərə alaraq «Əmlak bazarı terminləri» izahlı lüğətini oxuculara təqdim etmişdir. Kitabda əmlak, əmlakla bağlı əməliyyatlar və onun idarəedilməsinə dair 1001 termin toplanmışdır. Kitabın oxucuları « aktivlər», « əsas fondlar», «deflaysiya», «bonifikasiya», «ev üzrə verg», «interpolsasiya» kimi leksikonumuza yeni daxil olmuş terminlərin mənaları haqqında öz fəaliyyətlərinin daha asan, səmərli aparılmasında istifadə edə bilərlər.

Kitabda rieltor fəaliyyətinin mahiyyəti, fəaliyyət səmərəliliyinin artırılması yolları barədə dəyərli məlumatlar verilmişdir.Həmçinin, ilk baxışdan adi görünən, lakin rieltor üçün vacib olan peşə etikası, xarici görünüş, ünsiyyət qaydaları da nəzərdən keçirilmiş, rieltorun əsas fəaliyyət obyekti hesab olunan daşınmaz əmlakın bəzi hüquqi aspektlərinə də toxunulmuş, təcrübi tövsiyyələr verilmişdir.

Kitab əsasən rieltor fəaliyyəti ilə məşğul olmaq istəyənlər və ya bu peşəni özləri üçün artıq seçmiş şəxslər üçün nəzərdə tutulmuşdur. Burada toxunulan məsələlər daşınmaz əmlak, o cümlədən mənzil alqı-satqısının iştirakçısı olan hər bir oxucu üçün də maraqlı ola bilər.

Kitab bu sahədə buraxılmış ilk nəşrlərdən hesab olunduğu üçün müəyyən iradlardan da xali deyildir. Bu barədə təkliflərini bildirəcək dəyərli oxucularımıza əvvəlcədən minnətdarlığımızı bildiri, onları əməkdaşlığa dəvət