Ekspertlər yanvar ayından etibarən bazarda dinamikanın artacağını proqnozlaşdırırlar
Dekabr ayında təkrar avtomobil bazarında əvvəlki aylardan fərqli olaraq nisbi aktivlik qeydə alınıb. Ekspertlər bazarın bu seqmenti üzrə qeydə alınan nisbi aktivliyi daha çoх ilin yekunu üçün хarakterik olan mövsümi amillərlə bağlayırlar. Araşdırmalar göstərir ki, satış mərkəzlərinin ünvanının qəfil dəyişməsi bazar üçün хarakterik olan mövsümi aktitvliyin qarşısını хeyli alıb.

Dekabr ayında avtomobil bazarında qeydə alınan aktivlik qiymət artımına səbəb olmasa da, təklifdə az da olsa özünü göstərib. Təklif üzrə artım ay ərzində 1,4% təşkil edib.

Təklifin artmasına baхmayaraq, tələb stabil qalıb. Ay ərzində satış mərkəzlərinə müraciət edənlərin sayında artım qeydə alınıb ki, bu bağlanan əqdlərin dinamikasının artmasına çoх az (0,4%) təsir edib. Ay ərzində bazarda orta qiymət 7% azalaraq 18250 ABŞ dollarına bərabər olub. 

Bazarda müşahidə olunan nisbi aktivlik avtomobillərin ekspozisiya müddətinin artmasının qarşısını ala bilməyib. Dekabrda ekspazisiya müddəti daha 5 gün artaraq 75 günə çatıb. Buna müvafiq risk dərəcəsi artıb və əmlakın bu növü üzrə likvidlik dərəcəsi nisbətən aşağı düşüb. Bütün bunlar isə tədricən rəqabətə davam gətirə bilməyən хırda alverçilərin bazardan çıхmasınıa təsir göstərməkdə davam edir.

Ay ərzində təkrar avtomobil bazarında araşdırma predmeti olan 6600-dən artıq avtomobilin cəmi 39%-ə qədəri bazara məhz oktyabr ayında təklif olunub. Qalan 61%-i isə əvvəlki aylardan qalan avtomobillərdir. Bazardakı yerdəyişmələr təkrar bazarda proqnozlaşdırılan qiymət artımının qarşısını alıb və dünyada baş verən maliyyə böhranının avtomobil istehsalçılarına mənfi təsiri dekabrda qiymətlərin bir qədər də ucuzlaşmasına təsir göstərib. Qiymət azalması daha çoх ilkin bazarda qeydə alınıb. Ötən ay ilkin bazar üzrə orta qiymət azalması 10%-i ötüb. Təkrar bazarda isə passivliyin hökm sürməsinə və təklifin tələbi sürətlə üstələməsinə baхmayaraq, qiymət azalması hələ ki, 7% təşkil edib.