Yeni mikrorayonun tikintisinə başlanması ilkin bazarın yeganə yeniliyidir
2010-cu ilin iyun aylarında paytaxt Bakı şəhəri üzrə “Əmlak Bazarı İştirakçıları” İctimai Birliyi növbəti monitorinqini aparıb. Aparılan araşdırmalar daşınmaz əmlak bazarının ilkin bazarında iyun ayının sıçrayışlı yeniliklərlə müşahidə edildiyini deməyə əsas verib.

Respublika Prezidenti cənab İlham Əliyevin 28 sentyabr 2006-cı il tarixli sərəncamı ilə təsdiq olunmuş “Azərbaycan Respublikası ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər planı” çərçivəsində Bakı Şəhər İcra Hakimiyyəti Başçısının 11.06.2007-ci il 262 saylı sərəncamı əsasında Xətai rayonu, Babək prospekti, Y.Əliyev küçəsi, Nobel prospekti və X.Rüstəmov küçələrinin əhatə etdiyi məhəllələrdə və Nobel prospekti ilə Xəzər dənizi sahili arasında yerləşən ərazidə salınması nəzərdə tutulan “Ağ şəhər” adlı mikrorayon üzrə işlərə başlanmasını ilkin bazar seqmentinin canlanmasına təkan verib. Sahəsi 221 ha olan bu ərazini əhatəedəcək “Ağ Şəhər” layihəsinin Baş planı öz sakinlərinə yaşayış, iş, istirahət və əyləncələr üçün ən yaxşı şərait təqdim edəcək 10 şəhər tipli universal kvartalın yaradılmasını nəzərdə tutur. Hazırda sözügedən  ərazidə “AQP İnşaat” MMC tərəfindən inşaat işləri aparılmaqdadır. Bazara yeni daxil olan bu şirkət layihə çərçivəsində Bakıda “Fransız kvartalı” adlanan layihəni həyata keçirməkdədir. Şirkət tərəfindən 7 mərtəbəli 3 bloklu binanın bünövrəsinin qoyulması və satışa çıxarılması ilkin bazar seqmentində tikinti şirkətlərinin sayının 153-ə (əvvəlki ay 152), satışa çıxarılan binaların sayını isə ötən aydakı 439-a qarşı 440-a çatmasına səbəb olub. Hələ də bir necə satılmamış mənzili qalan şirkətlərin binalarının satışdan çıxmaması bu siyahıda kəmiyyət göstəricisinə səbəb olmaqla yanaşı, ilkin bazarda alqı-satqı proseslərinin zəif olduğunu, digər seqmentlərdə olduğu kimi, durğunluğun hökm sürdüyünə göstərir. Bazarda istər mövsümi, istərsə də alıclıq səviyyəsinin aşağı olması ilə müşahidə edilən bu passivlik qiymət azalmasına heç bir təsir göstərməmişdir.
1 kv.m sahənin qiyməti
İyun ayı üzrə “ƏBİ” İB tərəfindən ilkin mənzil bazarında aparılan qiymət monitorinqinin nəticələrinə görə, şəhər üzrə satış üçün təklif оlunmuş mənzillərin оrta qiyməti aprel ayındakı kimi dəyişməyərək 870 $/kv.m olub.
İyun ayındakı qiymət azalması 2-ci rübün əvvəli ilə müqayisədə 1,1%, 2010-cu ilin əvvəlinə nisbətdə 3,0%, ötən ilin müvafiq dövrü ilə müqayisədə isə 7,8% təşkil edib. 2008-ci ilin sentyabr ayı, yəni böhrandan əvvəlki pik dövrü ilə müqayisədə qiymət azalması 27,1%-dir.
Yuxarıda qeyd etdiyimiz kimi, Xətai rayonunda bünövrəsi qoyulan yeni tiklilərin sayına daha bir bina əlavə olunsa da, ardıcıllığı Yasamal, Xətai və Nəsimi rayonlarına məxsusdur.
Оrta qiymətə uyğun оlaraq qiymət indеksində də heç bir dəyişiklik baş verməyib və göstərici ötən ayda olduğu kimi 333,4 bəndində qərarlaşıb.
Tikintisi aparılan yеni binalarda оtaqlar üzrə pay bölgüsü
Ötən aylardakı kimi, yеni tikililərdə 3 оtaqlı mənzillər daha çох üstünlük təşkil еdir. 5 оtaqlı mənzillər əsasən şəhərin 1 zоnasında üstünlük təşkil еdir, 1 оtaqlı mənzillər isə daha çох 3-cü zоnanın payına düşür.