Daşınmaz əmlakın dövlət reyestrinin tərtib edilməsi və aparılmasının sürətləndirilməsini, bu sahədə mövcud olan təcrübənin beynəlxalq standartlara uyğunlaşdırılmasını təmin etmək məqsədi ilə qərara alıram:

1. Azərbaycan Respublikası İqtisadi İnkişaf Nazirliyinin nəzdində Daşınmaz Əmlakın Dövlət Reyestri Xidmətinin əsasında Azərbaycan Respublikası Nazirlər Kabinetinin yanında Daşınmaz Əmlakın Dövlət Reyestri Xidəti yaradılsın.

2. Azərbaycan Respublikasının Nazirlər Kabinetinə tapşırılsın ki, bir ay müddətində:

2.1. Azərbaycan Respublikası Nazirlər Kabinetinin yanında Daşınmaz Əmlakın Dövlət Reyestri Xidməti haqqında Əsasnamənin layihəsini və həmin Xidmətin işçilərinin ümumi say tərkibi barədə təkliflərini hazırlayıb Azərbaycan Respublikasının Prezidentinə təqdim etsin;

2.2. öz səlahiyyətləri daxilində bu fərmandan irəli gələn digər məsələləri həll etsin.

3. "Azərbaycan Respublikasının Mülki Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2000-ci il 25 avqust tarixli 386 nömrəli Fərmanının (Azərbaycan Respublikasının Qanunvericilik Toplusu, 2000-ci il, N 8 (3 kitabda), III kitab, maddə 609; 2003-cü il, N 8, maddə 435, N 10, maddə 522; 2004-cü il, N 6, maddə 435) 3-cü bəndinin səkkizinci, onuncu və on ikinci abzaslarında "İqtisadi İnkişaf Nazirliyinin nəzdində" sözləri "Nazirlər Kabinetinin yanında" sözləri ilə əvəz edilsin.

4. " Girov haqqında " Azərbaycan Respublikası Qanununun icrasının təmin edilməsi barəd ə" Azərbaycan Respublikası Prezidentinin 2001- ci il 4 iyul tarixli 523 nömrəli Fərmanının (Azərbaycan Respublikasının Qanunvericilik Toplusu, 2001- ci il , N 7, maddə 460, N 10, madd ə 640; 2003- cü il , N 8, maddə 435) 1- ci bəndində "İqtisadi İnkişaf Nazirliyinin nəzdində" sözləri " Nazirlər Kabinetinin yanında " sözləri ilə əvəz edilsin.

5. "Azərbaycan Respublikası Mülki Məcəlləsinə əlavələr və dəyişikliklər edilməsi haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinun 2003-cü il 4 avqust tarixli 906 nömrəli Fərmanında (Azərbaycan Respublikasının Qanunvericilik Toplusu, 2003-cü il, N 8, maddə 435) aşağıdakı dəyişikliklər edilsin:

5.1. 1- ci, 2- ci və 7- ci bəndlər çıxarılsın ;

5.2. 4- cü bənddə "İqtisadi İnkişaf Nazirliyinin nəzdində" sözləri "Nazirlər Kabinetinin yanında" sözləri ilə əvəz edilsin.

6. " Daşınmaz əmlakın dövlət reyestri haqqında " Azərbaycan Respublikası Qanununun tətbiq edilməsi haqqında "Azərbaycan Respublikası Prezidentinin 2004- cü il 10 avqust tarixli 113 nömrəli Fərmanında (Azərbaycan Respublikasının Qanunvericilik Toplusu , 2004- cü il , N 8, maddə 621) aşağıdakı dəyişikliklər edilsin:

6.1. 1.3-cü bənd çıxarılsın;

6.2. 3-cü bənddə "İqtisadi İnkişaf Nazirliyinə" sözləri "Nazirlər Kabinetinə" sözləri ilə əvəz edilsin;

6.3. 4.1-ci və 4.2.1-ci bəndlərdə "İqtisadi İnkişaf Nazirliyinin nəzdində" sözləri "Nazirlər Kabinetinin yanında" sözləri ilə əvəz edilsin.

7. "Daşınmaz əmlakın dövlət reyestrinin aparılması Qaydaları"nın təsdiq edilməsi barədə" Azərbaycan Respublikası Prezidentinin 2004-cü il 14 oktyabr tarixli 135 nömrəli Fərmanının (Azərbaycan Respublikasının Qanunvericilik Toplusu, 2004-cü il, N 10, maddə 791) 2-ci bəndində "İqtisadi İnkişaf Nazirliyinə" sözləri "Nazirlər Kabinetinə" sözləri ilə, həmin fərmanla təsdiq edilmiş "Daşınmaz əmlakın dövlət reyestrinin aparılması Qaydaları"nın 3-cü maddəsində "İqtisadi İnkişaf Nazirliyinin nəzdində" sözləri "Nazirlər Kabinetinin yanında" sözləri ilə əvəz edilsin.

8. Bu fərman dərc edildiyi gündən qüvvəyə minir.

İlham ƏLİYEV,

Azərbaycan Respublikasının Prezidenti

Bakı şəhəri, 7 fevral 2005-ci il

« Azərbaycan » qəzetində dərc edilmişdir (08 fevral 2005- ci il.)