|
 Bazarda ilin əvvəlindən bu vaxtadək ən yüksək passivlik müşahidə edilir
İyun ayında tikinti materialları bazarında “Əmlak Bazarı İştirakçıları” İB tərəfindən aparılan bazar araşdırmaları ilin əvvəlindən bu vaxtadək görünməyən passivliyin müşahidə edildiyini deməyə əsas verib. Qonşu ölkələrdə də (Rusiya, Ukrayna, İran və s.) hökm sürən belə bir tendensiya yerli məhsullarla yanaşı, idxal olunan materiallarda da qiymət azalmasına gətirib çıxarıb.
Əsasən metal idxalı ilə məşğul olan yerli müəssisələr (Metak və s.) və özəl sahibkarlar Rusiyanın qara metal sənayesi ilə məşğul olan nəhəng Maqnitaqorsk, Taqanrok metallurgiya zavodları və böyüklüyünə görə ikinci poladəritmə kombinatı hesab edilən “Severestal ASC”, həmçinin Ukraynadan idxal edilən metal materiallarının qiymətlərində baş verən azalmanı da məhz alıcı qıtlığının yaranması ilə əlaqələndirirlər. May ayında regionlarda baş verən daşqınlarla bağlı müvəqqəti olaraq qeyri-mədən tikinti materialları (qum, çınqıl, otsep) bazarında müşahidə edilən qiymət artımı iyun ayında azalaraq əvvəlki vəziyyətinə qayıdıb. Yerli bazarın istehsal sahəsində xüsusi çəkisi olan “Akkord İnşaat və Sənaye”, “Qaradağ Sement”, “Mətanət-A”, “Gilan İnşaat”ın məhsullarının qiymətində isə heç bir dəyişiklik baş verməmişdir. Ümumilikdə iyunda 38 adda 88 növdə inşaat materialının qiymət monitorinqi aparılıb. Yerli bazarda istehsal olunan məhsulların ümumi bazardakı həcmi 54,55% təşkil edir.
Ümumilikdə iyun ayında may ayı ilə müqayisədə tikinti materiallarının qiymətində 2,46% azalma baş verib. Belə ki, 38 adda tikinti materialından yalnız 3-ü üzrə qiymət artımı, 13-ündə isə qiymət azalması baş veribdir. Artım müşahidə edilən materialların siyashısı aşağıdakı kimi olub: Dikt | +1,23 | Şüşə | +2,14 | Dam örtüyü | +0,27 | | |
Qiymət azalması baş verən məhsullar aşağıdakılardır: Qum | -25,00 | Dəmir təbəqə | -4,60 | Çınqıl | -20,00 | Sink təbəqə | -10,33 | Armatur | -2,02 | Katinka | -8,33 | Künyə | -6,31 | Şifer | -2,13 | Şveller | -5,67 | Plastik boru | -5,42 | Boru | -3,11 | Otsep | -27,27 | Üzlük daş | -5,56 | | |
Digər tikinti materilları üzrə qiymətlər stabil qalmışdır.
Rübün əvvəli ilə nisbətdə qiymət fərqi –3,0%, 2010-cu ilin yanvar ayı ilə müqayisədə isə +16,4% təşkil edib. Aparılan araşdırmalar göstərir ki, ötən ilin müvafiq dövrü ilə müqayisədə 38 adda məhsuldan cəmi 14-ü üzrə müxtəlif həcmli qiymət artımı qeydə alınsa da, bu məhsulların bəzilərində (taxta +20,6%, armatur +32,9%) sıçrayışlı artımın baş verməsi ümumilikdə bir il ərzində orta qiymətin 22,1% artmasına səbəb olub.
Aşağıdakı cədvəldən də göründüyü kimi, yerli istehsal məhsullarının bazardakı ümumi qiymət portfelindəki payı ötən ayla müqayisədə idxal mallarını 3,58 dəfə üstələmişdir.
Qiymət indeksi may ayı ilə müqayisədə iyun ayında 3,8 bənd azalaraq 150.3 səviyyəsində qərarlaşıb.
|
