|
 Sementin qiyməti 1 il 4 ay əvvəlki qiymətdən 33,7% aşağı salınıb
Mart ayı ərzində Bakı şəhəri üzrə tikinti materialları bazarında 38 adda, 85 ceşiddə tikinti materiallarının qiyməti izlənilib. Araşdırılan məhsullar üzrə respublikamızda istehsal olunan malların ümimi istehsalda həcmi 51,8% təşkil edib. Dünyada baş verən maliyyə böhranı tikinti materiallarının qiymətlərindəki ucuzlaşmanı dərinləşdirməkdə davam edib.
Maliyyə böhranının qarşısınin alınması istiqamətindəki təşəbbüslərin nəticə verməməsi idxal məhsullarının qiymətlərinin sürətlə aşağı enməsi tendensiyası davam edir. Metal və metal məmulatlarının, eyni zamanda ağac məmulatlarının qiymətində azalma davam etməkdədir.
Mart ayında 85 adda məhsuldan 33-ü üzrə qiymət azalması, 1-i üzrə qiymət artımı, 51-i üzrə isə stabillik müşahidə edilib. Nəticədə ay ərzində bazarda formalaşan orta qiymətlərdə azalma əvvəlki ayla müqayisədə 5,5% təşkil edib.
Yanvarda katinka 5,7%, şveller 9,5%, künyə 7,2%, dəmir təbəqə 4,6%, armatur 4,8%, sink təbəqə 1,1%, elektrod 5,6%, şüşə 3,3%, taxta 15,8%, DSP 5,5%, dikt 1,9%, mismar 7,3%, DVP 16,7%, alkopan 5,6%, üzlük daş 4,5%, cınqıl 9,1%, laminat-parket 2%, bitum 7%, yapışqan 11,1%, şüşə pambıq 3,8%, sement 33,7% ucuzlaşıb.
Ötən ay sementin qiymətinin ucuzlaşması tikintidə xərclərin azalması və mənzil tikintisində istifadə olunan tikinti materialları üzrə ümumi portfeldə xərc strukturunun dəyişməsi ilə nəticələnmişdir. Araşdırmalar göstərir ki, sementin qiyməti sonuncu dəfə 1il 4 ay əvvəlki qiymətdən 33,7% aşağı salınıb.
Qalan tikinti materialları üzrə qiymətlər dəyişməz qalıb.
Aylıq nəticə isə belədir ki, ay ərzində tikinti materiallarının qiyməti 5,5%, ilin əvvəli ilə müqayisədə 6%, ötən illə müqayisədə isə 46,6% azalmışdır. Qiymət indeksi isə ötən aya nisbətən 5,6 bənd azalaraq, 98,2 səviyyəsində qərarlaşıb. |
