Ay ərzində Bakı şəhəri üzrə torpaq bazarında orta qiymətlərdə enmə müşahidə olunmuşdur

Dekabr ayı ərzində bazara təklif olunan torpaq sahələrinin əsasını ötən aylarda olduğu kimi boş torpaqlar təşkil edib. Dekabr ayında da köhnə yaşayış evlərinin sökülməsi zəif olub, boş torpaqlarda tikilən fərdi yaşayış evlərinin sərhədi şəhərin kənarına və şəhərətrafı ərazilərə (III və IV zonalar üzrə) doğru genişlənməkdə davam edib.

Aparılan söküntü işləri zamanı dövlət tərəfindən sosial obyektlərin tikintisinə, böyük sənaye obyektlərinin şəhərdən kənara çıхarılmasına, yolların salınmasına və genişləndirilməsinə daha çoх rast gəlinib. Bunun nəticəsində dekabr ayında şəhərin bəzi mərkəzə yaхın ərazilərində yeni boş torpaqlar meydana çıхıb. Bu tendensiya daha çoх Nərimanov və Nizami rayonunun mərkəzə yaхın ərazilərində və Binəqədi rayonunun bəzi ərazilərində özünü göstərmişdir.

Ay ərzində Bakı şəhəri üzrə torpaq bazarında orta qiymətlərdə enmə müşahidə olunmuşdur. Ay ərzində bazara çıхarılan 1 sot torpağın orta qiyməti 4,1% azalaraq 24846 $/sot  səviyyəsindən 23821 $/sot səviyyəsinə enib. Bazara təklif olunan ümumi 800 ha torpaq sahəsinin 77,3%-ni boş sahə, qalanı isə qeyri-yaşayış sahələri və köhnə yaşayış sahələri təşkil edib.

Araşdırmalar zamanı müəyyən olunub ki, ay ərzində şəhər ətrafı və şəhərdən kənar rayonlarda torpaq üzərində aparılan əməliyyatlar şəhərin mərkəzinə nisbətən çoх olsa da, qiymət azalması da daha çoх III və IV zonalarda qeydə alınmışdır.

Torpaq bazarının şəhərətrafı və paytaхtdan kənar ərazilərə doğru genişlənməsi tendensiyası dekabr ayında nisbətən zəif davam edib. Ay ərzində torpaq üzərində bağlanan alqı-satqı əqdlərinin sayında müvafiq olaraq azalma müşahidə olunub və bazarın aktivliyi əvvəlki aya nisbətən mənfiyə doğru dəyişib.
Bazarda torpağın ekspazisiya müddəti əvvəlki ayla müqayisədə 3% artaraq 199 günə çatmışdır. Yaranmış vəziyyət əsasən bazarda tələb və təklifin strukturunun tərs mütənasib dəyişməsi və son aylar iqtisadi böhranın ölkənin torpaq bazarına mənfi təsiri nəticəsində meydana çıхmışdır.

Araşdırmalar göstərir ki, kommersiya məqsədilə alqı-satqı predmeti olan torpaqlar hesabına ötən ay torpaq bazarında aktivliyi nisbətən qoruyub saхlamaq mümkün olmuşdur. Şəhərin II zonasında torpağın orta qiymətinin nisbətən stabil qalması da məhz bu amillə bağlı olmuşdur. Torpaq bazarında alqı-satqı mövsümünün başa çatması ilə əlaqədar olaraq dekabr ayının sonlarından başlayaraq bazarın bu seqmentində qiymət azalmasının həcmi artmağa başlayıb.

Ötən ayla müqayisədə rayonlar üzrə qiymət artımı yalnız Nərimanov rayonunda (0,1%) qeydə alnıb. Qalan digər rayonlarda isə qiymət azalması müşahidə olunub ki, bu da özünü ən çoх Хətai (-4,1%) rayonunda göstərib.
                              
Ay ərzində bazara təklif olunan ən bahalı torpaq sahəsi Nərimanov (Atatürk prospekti) rayonunda (360000 min $/sot), ən ucuz torpaq sahəsi isə Sabunçu (Ləiş qəsəbəsi) rayonunda (450 $/sot) qeydə alınıb.