| Yaşayış binası inşa edən tikinti şirkətlərinin sayı azalır |
| 17.09.2008 17:44 |
|
Yuxarıda qeyd edilən yeni tikilən binaların inşasını 207 tikinti təşkilatı həyata keçirir. Bu isə onu göstərir ki, getdikcə tikinti şirkətlərinin sayında azalma müşahidə olunur. Ən çox yeni tikili əvvəlki ayda olduğu kimi Yasamal rayonu ərazisində aparılır. Nəsimi rayonu 2-ci, Xətai rayonu isə 3-cü pillədəki yerini qorumaqdadır. Bu üç rayonda yeni tikililərin ümumi tikinti portfelindəki payı 66,7% təşkil edir. Sonrakı yerləri isə qalan rayonlar öz aralarında bölüşdürürlər. Şəhər üzrə satış üçün təklif olunmuş mənzillərin orta qiyməti əvvəlki ayla müqayisədə 0,8% artaraq 1177,6 $/kv.metrdən 1187 $/kv.metrə çatıb. Orta qiymətə uyğun olaraq qiymət indeksi də 3,6 bənd artaraq 450,3 bəndində qərarlaşıb. Şəhər üzrə tikintisi aparılan binalarda orta mənzil sahəsi keçən aydakı 119,7 kv.m-dən 119,9 kv.m-ə (0,2%) qədər artıb. Orta blok və mərtəbə göstəricisi keçən aydakı kimi müvafiq olaraq 2,3 blok və 15,1 mərtəbə olmuşdur. Avqust ayında rayonlar üzrə qiymət artımı aşağıdakı şəkildə olubdur: Sabunçu 12,9%, Nizami 3,5%,Yasamal 4,3%, Xətai 0,6%, Nərimanov 2,4 %, Nəsimi 0,7%. Digər rayonlar üzrə qiymətlərdə sabitlik müşahidə edilib. Yeni tikililərdə 3 otaqlı mənzillər üstünlük təşkil edir. 5 otaqlı mənzillər əsasən şəhərin 1 zonasının, 1 otaqlı mənzillər isə daha çox 3-cü zonanın payına düşür. Avqust ayında 1 otaqlı mənzillərin orta sahəsi 60,0 (keçən ay 58,6) kv.m, iki otaqlıların 92,8 kv.m, 3 otaqlıların 135,5 kv.m (keçən ay 133,4), 4 otaqlıların 183,2 (keçən ay 180,8) kv.m, 5 otaqlılarınkı isə 234,4 kv.m (keçən ay 257,9) təşkil edib. 1, 3 və 4 otaqlı mənzillərin orta sahəsinin keçən aya nisbətən bir qədər artdığı müəyyən edilib. 5 otaqlı mənzillərdə isə orta sahə ölçüsü keçən aya nisbətən azalıb. 2 otaqlı mənzillər üzrə hər hansı dəyişiklik baş verməyib. |
Avqust ayının sonuna Bakı şəhəri üzrə tikintisi davam etdirilən yeni tikilililərin sayı keçən aya nisbətən bir qədər azalaraq 550 ədəd təşkil edib. Ay ərzində 16 ədəd binanın inşa prosesi tamamlanmış, hazırda kommunal və s. işlərin aparılmasına başlanılıb. Bəzi binalarda isə artıq bu işlər də başa çatmaq üzrədir. 