|
26.11.2008 13:00 |
|
Azərbaycanda bu il dövlət büdcəsindən əsaslı xərclərə 5 609,4 mln. manat vəsaitin yönəldilməsi nəzərdə tutulub
Maliyyə Nazirliyinin məlumаtınа əsаsən, Azərbaycanda bu il dövlət büdcəsindən əsaslı xərclərə 5 609,4 mln. manat vəsaitin yönəldilməsi nəzərdə tutulub ki, bu da 2008-ci il ilə müqayisədə 7,5% çoxdur
Əsaslı xərclərin birbaşa dövlət əsaslı vəsait qoyuluşu xərclərinə yönəldilən hissəsi 4 718 mln. manat təşkil edəcək. Bu da 2008-ci ilə nisbətən 9,1% çoxdur.
Bu vəsait əsasən Dövlət Investisiya Proqramında nəzərdə tutulan proqramların və tədbirlərin maliyyələşdirilməsinə yönəldiləcək. Dövlət əsaslı xərclərin 891,4 mln. manatı isə dövlət büdcəsinin müvafiq xərc bölmələrində əksini tapmaqla, sosial, mədəni, inzibati, istehsalat təyinatlı bina və qurьuların, yolların yenidən qurulması, təmirinə, qeyri-maddi aktivlərin alınmasına yönəldiləcək. Bu vəsait 2008-ci ilə nisbətən 0,2% azdır. Dövlət əsaslı vəsait qoyuluşu xərcləri 2009-cu ildə tamamlanması nəzərdə tutulan sənaye, nəqliyyat, energetika, kənd təsərrüfatı və digər infrastrukturların, sosial-mədəni təyinatlı müəssisələrin tikintisinə, ölkənin müdafiə, milli təhlükəsizlik, sərhəd və digər tədbirləri üzrə əsaslı işlərin görülməsinə yönəldiləcək.
Qeyd edək ki, artıq Azərbaycan parlamentinə təqdim olunmuş 2009-cu ilin dövlət büdcəsinin gəlirləri 12 177 mln. manat, xərcləri isə 12 355 mln. manat həcmində proqnozlaşdırılır. |
